Ярапайкассинчи вăтам шкулта 10 тата 11 класра вĕренекенсем паян И.Я. Яковлевпа М.В. Ломоносов пурнăçĕнчи, ĕçĕ-хĕлĕнчи пĕр пеклĕхсем çинчен калакан презентаци  курчĕç. И.Я. Яковлев - Чăваш халăхне çутта кăлараканĕ, чăваш çырулăхне пуçлаканĕ, алфавит йĕркелекенĕ. М.В. Ломоносов - вырăссен паллă ученăйĕ, вырăс грамматикине çыраканĕ, Мускав университетне йĕркелекенĕ. Вĕсем иккĕшĕ те ялта çуралса ÿснĕ, мĕн ĕмĕр тăршшĕпе тăван  халăхĕсемшĕн ĕçленĕ. И.Я. Яковлевпа М.В.Ломоносов - чăваш тата вырăс халăхĕсен мухтавлă ывăлĕсем.