Ярапайкассинчи вăтам шкулăн 5-6 класра вĕренекенĕсем паян аваллăха куçпа курчĕç. Ярапайкасси ялĕнче пурăнакан Александрова Лидия Даниловна патĕнче хăнара пулса пир тĕртнине сăнарĕç. Хальхи вăхăтра пир станокĕ умĕнче тĕрлĕ кавирсем тĕртекенсем çукпа пĕрех. Лидия Даниловнăпа унăн йăмăкĕ Вера Даниловна вара çак ĕçе халĕ те çаврăнăçуллă тăваççĕ. Ачасем пир тĕртесси çав тери йывăр ĕç пулнине пĕлчĕç, хăйсен мăн асламăшĕсем ĕлĕк-авал епле пир тĕртсе кĕпе-йĕм çĕлесе тăхăннине ăнланчĕç. Çакăн пек экскурсисем ачасен тавракурăмне аталантараççĕ, шухăш-кăмăлне пуянлатаççĕ.