Ярапайкассинчи вăтам шкулта К.В.Иванов ячĕллĕ Чăваш академи драма театрĕ йĕркеленнĕренпе 100 çул çитнине халалласа чăваш чĕлхипе литератури вĕрентекенĕ Димитриева А.Г. таврапĕлÿ сехечĕ ирттерчĕ. Вĕрентекен ертсе пынипе 6 класс ачисем презентаципе усă курса тухса калаçрĕç. Шкул ачисем театр историне пăхса тухрĕç, паллă артистсен пурнăçĕпе паллашрĕç. 2018 çулта Чăваш театрне тата чăваш киноне пуçарса яраканĕ И.С.Максимов-Кошкинский çуралнăранпа 125 çул, театрăн пирвайхи артисчĕсенчен пĕри, пĕрремĕш чăваш киноактриси Тани Юн çуралнăранпа 115 çул çитет. Çавна май ачасем çак паллă çынсен пурнăçĕпе ĕçĕ-хĕлне те туллин тишкерчĕç. Калаçăва ачасем хĕвеллĕ кластер тата синквейн туса, ваттисен сăмахĕсене тупса пĕтĕмлетрĕç. Чăваш театрĕн историйĕпе çыхăннă таврапĕлÿ сехечĕ  ачасен пĕлĕвне пуянлатма пулăшрĕ.