Ярапайкассинчи вăтам шкулти "Асамлă калем" кружока çÿрекенсем Çăварни уявне халалласа хаçат кăларчĕç. Чăваш чĕлхипе литератури вĕрентекенĕ Емельянова Г.Г. ертсе пынипе ачасем тĕрлĕ ĕç тунă. Анастасия Сухова аслашшĕнчен Екрем тăрăхĕнче Çăварни епле уявлани пирки ыйтса пĕлнĕ. Ярослава Сергеевăпа Нелли Веселова сюжетлă ÿкерчĕксем тунă. Хаçата кăларассишĕн яваплисем Çăварни пирки Интернетран ÿкерчĕксем тупнă, ачасем пухнă материала касса çыпăçтарнă. Галина Геннадьевнăн "Çăварни савăнăçĕ" сăвви те хаçатра вырăн тупнă. Шкулта пултаруллă ачасем пулни çав тери савăнтарать.