Пуш уйăхĕн 5-мĕшĕнче "Чăвашкино" патшалăх киностудийĕ тата электронлă документсен архивĕ шкул ачисене Шурча клубне пуçтарса кино кăтартрĕ. Чи малтан "Патриарх пире мĕн халалланă" кинолента  курса ачасем чăваш халăхĕн çутлăхçин Иван Яковлевич Яковлевăн пурнăçĕпе паллашрĕç, И.Я.Яковлев сăнарне кинора курма пултарчĕç. И.Я.Яковлевăн халалĕ чăваш халăхĕшĕн маяк евĕр пулнине ачасем ăнланаççĕ. Чăваш Улăпĕн сăмахĕсем чăваш халăхĕн пурнăçне тĕрĕс çутатса параççĕ. Унтан шкул ачисем вăрçăпа çыхăннă "Мальчик в полосатой пижаме" фильм курчĕç. Курма пынисем таран шухăшлă киносем курса киленчĕç.