Паян Ярапайкассинчи вăтам шкул ачисем Чăваш Республикин патшалăх истори архивĕнче ĕçленĕ Ф.Ф.Федоровпа тĕл пулу ирттерчĕç. Архив ĕçченĕ ачасене И.Я.Яковлев ĕçĕ-хĕлĕпе çыхăннă архив докуменчĕсемпе тата статьясемпе паллаштарчĕ, Чĕмпĕр чăваш шкулĕнче хальхи вăхăтра музей пулни пирки ăнлантарса пачĕ. Ачасем кăсăклансах итлерĕç, ыйтусем парса нумай çĕнĕлĕх пĕлчĕç. 5 класс ачисем вара хăнасене И.Я.Яковлев çуралнăранпа 170 çул çитнине халалланă "Мухтавлă Улăп" литература композицийĕ кăтартрĕç. Кăмăллă тĕл пулăва чăваш чĕлхипе литератури вĕрентекен Емельянова Г.Г. йĕркеленĕ.