2018 çулхи авăн уйăхĕнче республика шайĕнчи "Яковлев эткерлĕхне эпĕ епле упратăп" темăпа сочиненисен конкурсĕ иртрĕ. Конкурсра тĕрлĕ темăсем сĕннĕччĕ: "Тăван сăмах – иксĕлми пуянлăх", "Халăхсем туслă пулсан çĕр-шыв çирĕп", "Тĕнче илемĕ чун пуянлăхĕнчен килет". Ярапайкассинчи вăтам шкулта 10 класра вĕренекен Виктория Лоцманова çак конкурса "Тăван сăмах - иксĕлми пуянлăх" темăпа хутшăнчĕ, "Чăваш ачисене калам" çыру хатĕрлерĕ. Çак ĕçре вăл чăваш чĕлхин пуласлăхĕ хамăртан килнине палăртнă, ачасене тĕрлĕ чĕлхесем пĕлме чĕнсе каланă. Конкурс пĕтĕмлетĕвĕсем тăрăх, 71 ачаран пирĕн шкулти Виктория Лоцманова призер пулса тăчĕ (ертÿçи - чăваш чĕлхипе литератури вĕрентекенĕ Димитриева А.Г.).  Саламлатпăр!