Ярапайкассинчи вăтам шкулта паян Çĕнĕ çул уявĕ иртрĕ. Капăр чăрăш тавра 1-5 класс ачисем пуçтарăннă. Вĕсем юмахри тĕрлĕ сăнарсен тумĕсене тăхăннă. Шкул ачисене юрлаттараканĕсем, ташлаттараканĕсем, вăйă выляттараканĕсем, сăвă калаттараканĕсем вара аслă классенче вĕренекенсем пулчĕç: Жукова А. (Нуф-нуф), Алексеева А. (Ниф-ниф), Иванова М. (Наф-наф), Воробьев С. (Кашкăр), Павлова А. (Асамçă пике). Уява илемлетекенĕсем - Хĕл Мучипе (Оприсков Д.) Юр пике (Лоцманова В.). Ачасем Хĕл Мучине сăвăсем каласа пачĕç, Хĕл Мучи вĕсене парнесем пачĕ. Шкул директорĕ Скворцова А.А. вĕренÿре "5" паллăпа вĕренекен ачасене парнесемпе чысларĕ. Уява пухăннисем савăнăçлă кăмăлпа, хаваслă кулăпа Çĕнĕ çул уявне ирттерчĕç. Чăвашла сценари авторĕ Емельянова Г.Г. пулчĕ. Пурне те çывхарса килекен 2019 çулпа саламлатпăр!

Сăвă-юрă янăратăр

Çĕнĕ çул елки тавра.

Капăр чăрăш савăнтартăр

Пире паян уявра.