Ака уйăхĕн 25 – мĕшĕ Чăваш чĕлхи кунĕ. Çак ятпа Ярапайкассинчи вăтам шкулта çĕнĕ чăваш çырулăхĕ никĕсленнĕренпе 150 çул çитнине халалланă Чăваш чĕлхи эрни иртрĕ. Ăна чăваш чĕлхипе литературине вĕрентекен Димитриева А.Г. тата Емельянова Г.Г. йĕркелерĕç. 5 класс ачисем И.Я.Яковлев çинчен фильм пăхрĕç, «Алфавит çĕр-шывĕнче» ăс-тăн вăййине хутшăнчĕç. 6 класс ачисем «Çăлтăрлă сехет» вăйăра палăрчĕç. 7 класс ачисем «Чĕвĕлти чăваш чĕлхи» конкурсра хастар пулчĕç. 8 классем «Чăваш тĕнчи» викторина ирттерчĕç, «Эпир Улăп йăхĕнчен» хаçат кăларчĕç. 9 классем хăйсен пултарулăхне «Аслă Вĕрентекенĕмĕре чыс та мухтав» ятлă эссесен конкурсĕнче кăтартрĕç. 10 класс ачисене «Чăвашсем – мухтавлă халăх» интеллектуаллă ăмăрту килĕшрĕ. 11 классем ваттисен сăмахĕсене аса илчĕç. Ака уйăхĕн 23-мĕшĕнче 5-8 класри хĕр ачасем «Шкул пики» конкурсра ăмăртрĕç. «Чи пултаруллă пике» номинацире Ульяна Жукова мала тухрĕ. «Тавçăруллă пике» номинацире Екатерина Михайлова, «Кăмăллă пике» номинацире Эвелина Паргеева, «Ăс пике» номинацире Анастасия Николаева, «Çепĕç пике» номинацире Анна Сухова çĕнтерчĕç.

Чăвашлăхпа эпир илемлĕ,

Чăвашлăхпа эпир ансат,

Чăвашлăхпа эпир çĕкленнĕ,

Чăвашлăхпа эпир хăват.