#ЗахаровМинобразования21 #ДмитрийЗахаровМинобрЧР #ДмитрийЗахаровЧувашия #МинобразованияЧувашии1

#Мухтавлāeнтешсенçулталāкē
#Чāвашчēлхиэрни
Ака уйăхĕн 25-мĕшĕ – Чăваш чĕлхи кунĕ. Ярапайкассинчи вăтам шкулта Чăваш чĕлхи кунне халалланă тĕрлĕ мероприятисем иртрĕç. 5 класс ачисем «Пĕлÿ шыраса» ăс-тăн вăййинче, 6 классем «Чăваш вăййи» ăмăртура, 7 класс ачисем «Çăлтăрлă сехет» вăйăра, 8 классем «Халăх ăс-хакăлĕ» ăмăртура палăрчĕç. 9 класс ачисем «Мухтавлă ентешĕмĕрсем» викторинăра, 10 классем «Чăвашлăх тĕнчи» ăмăртура хутшăнчĕç. 11 клас ачисем «Чăваш чĕлхи - тĕрĕк чĕлхи» урокра хастар пулчĕç. Шкул ачисем «Пĕтĕм чăваш диктанчĕ-2022» акцие хутшăнса «5» паллăсем илчĕç. Чăваш чĕлхи эрни «Чăваш пики-2022» конкурспа вĕçленчĕ. Пикесем «Эпĕ чи маттурри», «Эпир чăваш йăхĕнчен», «Пултаратпăр пулмалла», «Чăваш тумĕ», «Эх, тутлă та!» конкурссенче хăйсен пултарулăхне кăтартрĕç. «Сăпайлă пике» номинацире Анастасия Петрова, «Хастар пике» номинацире Екатерина Михайлова, «Пултаруллă пике» номинацире Анастасия Николаева, «Çепĕç пике» номинацире Анастасия Сухова, «Ăс пике» номинацире Ульяна Жукова çĕнтерчĕç. «Чăваш пики-2022» ята вара чи нумай балл пухнă Ульяна Жукова тивĕçрĕ. Уява Алексей Абрамовпа Елизавета Соколова ертсе пычĕç. Чăваш чĕлхи эрнине Димитриева А.Г. тата Емельянова Г.Г. вĕрентекенсем йĕркелерĕç.
Чăвашлăхпа эпир илемлĕ,
Чăвашлăхпа эпир ансат,
Чăвашлăхпа эпир çĕкленнĕ,
Чăвашлăхпа эпир хăват.