Чăваш литературин классикĕ, кăвар чĕреллĕ те кăвар чĕлхеллĕ поэтăмăр Çеçпĕл Мишши çуралнăранпа 125 çул çитнине кăçал анлăн паллă тăватпăр. Ярапайкассинчи вăтам шкул ачисем те сăвăçăн çавра çулне уявларĕç. 9 класс ачисем «Кăвар чĕре» викторинăна хутшăнчĕç, Çеçпĕл Мишши пурнăçĕпе пултарулăхне халалланă ыйтусене хуравларĕç. «Çĕнтерÿçĕсем» ушкăн (ертÿçи – Александров Е.), чăн та, çĕнтерÿçĕ пулчĕ, чи нумай балл пухрĕ. Иккĕмĕш тата виççĕмĕш вырăнсене «Чăваш ачисем» ушкăнпа (ертÿçи – Михайлова Е.) «Чăвашсем» ушкăн (ертÿçи – Потянова Э.) йышăнчĕç. «Çеçпĕл Мишши пултарулăхĕ тавра» интернет викторина та ачасемшĕн кăсăклă пулчĕ.